मुख्य समाचार
प्रधानमन्त्री देउवाद्वारा पदबाट राजीनामा
प्रधानमन्त्री शेरबहादुर देउवाले पदबाट राजीनामा दिनु भएको छ । राजधानीको वालुवाटारस्थित प्रधानमन्त्रीको सरकारी निवासबाट राष्ट्रका नाममा सम्बोधन गरे लगत्तै प्रधानमन्त्री देउवाले राष्ट्रपति कार्यालय पुगेर राजीनामा बुझाउनुभएको हो । सम्बोधन गर्नुअघि मन्त्रिपरिषद्को अन्तिम बैठक वालुवाटारमै बसेको थियो । सम्बोधनका क्रममा देउवाले ९ महिने कार्यकाल सफल रहेको दावी गर्नुभयो ।
पाँच नम्बर प्रदेशको मुख्यमन्त्रीमा शंकर पोखरेल नियुक्त
पाँच नम्बर प्रदेशको मुख्यमन्त्रीमा एमाले संसदीय दलका नेता शंकर पोखरेल नियुक्त भएका छन्।
बुधवार प्रदेश प्रमुख उमाकान्त झाले पोखरेललाई मुख्यमन्त्रीमा नियुक्त गरेका हुन्।
प्रदेश नं १ को मुख्यमन्त्रीमा राई नियुक्त
प्रदेश नं १ को मुख्यमन्त्रीमा नेकपा (एमाले) का शेरधन राई नियुक्त भएका छन्।
एमाले र नेकपा (माओवादी केन्द्र)को समर्थनमा राईले मुख्यमन्त्रीमा नियुक्त गर्न सोमबार प्रदेश प्रमुखसमक्ष दाबी पेश गरेका थिए।प्रदेश प्रमुखको कार्यालयमा आयोजित कार्यक्रममा प्रदेश प्रमुख तुम्बाहाङले राईलाई नियुक्तिपत्र प्रदान गरेका थिए।
