राजनीति
केहीबेरमा मन्त्रिपरिषद् विस्तार हुँदै, फाेरम पनि सहभागी हुने सम्भावना
गत ३ फागुनमा प्रधानमन्त्रीमा निर्वाचित भएका केपी शर्मा अाेलीले अाज मन्त्रिपरिषद् विस्तार गर्दैछन् । एमाले र माअाेवादी केन्द्रबाट मन्त्री बनाएर प्रधानमन्त्री अाेलीले मन्त्रिपरिषद् विस्तार गर्न लागेका हुन् ।
यसक्रममा संघीय समाजवादी फाेरमलार्इ पनि सहभागी गराउने प्रयास भएकाे छ । प्रधानमन्त्री अाेली, माअाेवादी केन्द्रका अध्यक्ष पुष्पकमल दाहाल प्रचण्ड र संघीय समाजवादी फाेरमका अध्यक्ष उपेन्द्र यादवबीच अाज छलफल भएकाे छ ।
राष्ट्रियसभा सदस्यमा सरकारले गरेको सिफारिस असंवैधानिकः कांग्रेस
राष्ट्रियसभाका तीन सदस्यमा आफ्नो सरकारले पठाएको नाम फिर्ता लिएर अर्को नाम पठाएकोमा कांग्रेसले विरोध गरेको छ ।
यो संविधान र राष्ट्रिय सहमतिको भावना विपरित भएको कांग्रेसले बताएको छ ।
देउवा सरकारले कृष्णप्रसाद पौडेल, गोपाल बस्नेत र चाँदनी जोशीलाई राष्ट्रियसभा सदस्यमा सिफारिस गरेको थियो । तर, मन्त्रिपरिषदको मंगलबार विहान बसेको बैठकले देउवा सरकारले गरेको सिफारिस रद्द गर्दै युवराज खतिवडा, रामनारायण विडारी र विमला पौडेल राईलाई पठाएको छ ।
नवनियुक्त प्रधानमन्त्री अोलीको सपथ दिउँसो ४ बजे
नवनियुक्त प्रधानमन्त्री केपी शर्मा ओलीले बिहीबार दिउँसो ४ बजे सपथ लिने भएका छन्। राष्ट्रपति कार्यालयका प्रवक्ता कुलप्रसाद चुडालका अनुसार सपथको समय दिउँसो ४ बजेका लागि तोकिएको छ।
प्रधानमन्त्री शेरबहादुर देउवाले राजीनामा बुझाएपछि राष्ट्रपति विद्यादेवी भण्डारीले एमाले अध्यक्ष ओलीलाई प्रधानमन्त्री नियुक्त गरेकी हुन्।
