काठमाण्डौ,१८औं एसियाली खेलकुद (एसियाड) अन्तर्गत तेक्वान्दोमा नेपालले खराब प्रदर्शन गरेको छ । मंगलबार को प्रतिस्पर्धामा नेपालका तीन जना खेलाडी पराजित भएका छन्।
६७ के जी को तौल समुह अन्तर्गत नेपालकी निशा रावल चीनकी गोआओ पान सँग २२-६ अंकले पराजीत भएकी छिन् ।
यस्तै अन्तीम १६ को खेलमा ८० केजी माथि तौल समूहमा नेपालका अनोज पुजारीलाई काजकिस्तानका जापारोभ रुस्लानले २१-० अंकले पराजित गरेका थिए ।
ज्ञानी चुनारा पनि क्वार्टरफाइनलमै पराजित भइन्। उनी फिलिपिन्सकी लिपेज पाउला लुसीसँग २०-० ले हारिन्। त्यसअघि उनले भुटानकी छोडेन किन्जाङलाई २८-६ ले पराजित गर्दै अन्तिम १६ मा स्थान पक्का गरेकी थिइन्।
योसँगै पदकको आसा गरिएको खेल तेक्वान्दोमा ६ खेलाडीको चुनौती समाप्त भएको छ । अब बुधबार ८० केजी मुनी भूपेन्द्र श्रेष्ठ र ६३ केजी मुनीका तौल समूहमा वीरबहादुर महरा भिड्ने छन् । महरा सागका रजत विजेता खेलाडी हुन् । तेक्वान्दो अन्तिम दिन बिहीबार ४९ मुनी अस्मिता श्रेष्ठ र ६८ केजी मुनीका तौल समूहमा ज्ञानेन्द्र हमालले प्रतिस्पर्धा गर्दैछन्।
