काठमाडौं, कोरीयाको राजधानी सियोलमा आईतबार सम्पन्न म्याग्दी प्रवासी नेपाली संघ कोरीयाद्धारा आयोजीत म्याग्दी रनिङ कप २०१८ को भलिवल उपाधी स्याङजा परिवारले उचालेको छ ।
त्यसैगरी आयोजक अर्थात् म्याग्दी प्रवासी नेपाली संघले भने उपविजेताका रुपमा चित्त वुझाए । काग्लुङ सम्पर्क समिति तेस्रो तथा कालीगण्डकी व्वाईज चौथो भए । एकदिने सो प्रतियोगितामा मनोज कार्की उत्कृष्ठ खेलाडी चुनिए । आईतबार सम्पन्न सो प्रतियोगितामा प्रमुख अतिथिका रुपमा कोरीयका लागि नेपाली राजदुत अर्जुनजंग बहादुर सिंह, तथा सम्वन्धित संस्थाका संरक्षकहरुको उपस्थिती रहेको थियो ।
उपाधी विजेता ,उपविजेता तथा अन्य खेलमा सहभागी टिमलाई ट्रफि तथा प्रमाण पत्र प्रदान गरीएको थियो ।
