काठमाडौं, प्रतिनिधि सभा सदस्य जीवनराम श्रेष्ठले सरकारले प्रस्तुत गरेको नीति तथा कार्यक्रमलाई समर्थन गर्दै खेलकुदको पूर्वाधार निर्माणमा फड्को मार्ने विश्वास लिन सकिने बताएका छन् ।
नीति तथा कार्यक्रमको छलफलमा भाग लिदै बिहीबार नेपाल ओलम्पिक कमिटीका अध्यक्ष श्रेष्ठले राष्ट्रको एकताको आधार खेलकुदको दक्षिण एसियाली खेलकुदको आयोजनालाई स्पष्ट रुपमा थप्न सके राम्रो हुने सुझाव दिए ।
श्रेष्ठ नै अध्यक्ष रहेको दक्षिण एसियाली ओलम्पिक काउन्सिलले सन् २०१९ को मार्चमा नेपालमा १३ औं साग आयोजनाको निर्णय गरेको थियो । यद्दपी दक्षिण एसियाली खेलकुदका लागि पूर्वाधार निर्माण भने सुस्त गतिमा अघि बढेका कारण समयमा साग हुनेमा शंका बढेको छ ।
राष्ट्रको गौरव बढाउने पदक विजेता खेलाडीलाई आजीविन भत्ता दिने व्यवस्था प्रस्ताव र भौतिक पूर्वाधार निर्माणमा एतिहासिक योजना आएकाले त्यसलाई खेलकुद क्षेत्रले स्वागत गर्ने श्रेष्ठले बताए ।
