जेठ १०, काठमाण्डौ । नेपालले नेदरल्याण्ड्ससँग पहिलो वान डे सिरिज खेल्ने भएको छ ।
क्रिकेट वेवसाइट क्रिकबजले बुधवार उक्त समाचार पोष्ट गर्दै आगामी अगष्ट १ र ३ मा नेदरल्याण्ड्समै उक्त खेल हुने उल्लेख गरेको छ ।
तर खेल स्थल भने खुलाइएको छ । जुलाई २९ मा लर्ड्समा हुने टी–२० ट्राईसिरिजपछि नेपाल र नेदरल्याण्डबीच खेल हुन लागेको हो ।
लर्ड्समा नेपालसँगै नेदरल्याण्ड्स र एमसीसीले खेल्नेछ ।
तर यसबारे नेपालललाई आधिकारिक जानकारी भने आइसकेको छैन ।
गत मार्चमा पहिलो पटक वानडे इन्टरनेशनल ढओडिआईण स्ट्याटस पाएको थियो ।
जिम्वावेमा भएको आइसीसी वान डे वर्ल्डकप क्वालिफायरमा एसोसिएटतर्फ उत्कृष्ट तीन स्थान हासिल गर्दै नेपालले दुई दशक लामो क्रिकेट इतिहासमा पहिलो पटक ओडिआई स्ट्याटस पाएको हो । उक्त स्ट्याटस चार वर्षको लागि हुनेछ ।
सोहि क्वालिफायरमा नेपाल र नेदरल्याण्ड्स पछिल्लो पटक भिडेका थिए । सातौँ स्थानको लागि भएको प्लेअफमा भने नेपाल डच टोलीसँग ४५ रनले पराजित भएको थियो ।
नेपालले सन् २०१६ मा आइसीसी वर्ल्ड क्रिकेट लिग च्याम्पियनसिपको लागि नेदरल्याण्ड्स टुर गरेको थियो । जसमा दुवै टोलीले १–१ खेल जितेका थिए ।
