विश्व क्रिकेटरहरूका लागि सर्वाधिक लोकप्रिय र ठूलो सपनाका रूपमा रहने इन्डियन प्रिमियर लिग (आइपिएल)मा सहभागी हुन सन्दीप लामिछाने दिल्ली उडेका छन् ।
त्रिभुवन अन्तर्राष्ट्रिय विमानस्थलबाट उनी सवा १२ बजे दिल्ली प्रस्थान गरेका हुन् । दिल्ली प्रस्थान गर्नुअघि सन्दीपले पाएकाे अवसरलार्इ सदुपयाेग गर्न सक्दाे प्रयास गर्ने बताए ।
आफ्नो जीवनको ठूलो सपना भनेकै नेपाली राष्ट्रिय टिमबाट खेल्नु भएको बताएका उनले आइपिएलमा आफूमाथि कुनै दबाब भने नरहेको भनाइ व्यक्त गरे ।
उनले आइपिएलमा दबाबमुक्त भएर प्रदर्शन गर्ने र टिममा आफू रहनु वा नरहनु ठूलो कुरा नभएको बताए ।
