काठमाडौं, ओमानमा जारी आईसीसी टी–२० विश्वकप एसिया तथा इस्ट एसिया पेसिफिक छनोटमा सुपर सिक्सका खेलहरू आजदेखि सुरु हुँदैछन् ।
नेपालले आज सुपर सिक्सको आफ्नो पहिलो खेलमा परिचित विपक्षी यूएईसँग खेल्दैछ । नेपाल र यूएईबीचको खेल अल अमेरतस्थित ओमान क्रिकेट एकेडेमी टर्फ १ मा अपराह्न ४ः१५ बजेदेखि सुरु हुनेछ ।
समूह चरणमा युएईले कतार र मलेसियालाई हराएर र नेपालले कुवेत र जापानलाई हराएर अपराजित रहेको थियो । नेपालले आज आइतबार यूएईलाई पराजित गर्न सकेमा बलियो सुरुवात हुनेछ ।
यूएई र नेपाल दुवैले टेस्ट राष्ट्रलाई हराइसकेका छन् जसकारण दुई टोलीबीचको खेल प्रतिस्पर्धात्मक हुने अपेक्षा गरिएको छ ।
त्यस्तै नेपालले सोमबार कतार, बुधबार सामोआ र शुक्रबार ओमानसँग खेल्नेछ ।
