एएफसी ’महिला च्याम्पियन्स लिग’ को प्रारम्भिक छनोट खेल्न विभागीय टोली एपीएफ क्लब मलेसिया प्रस्थान गरेको छ । एसियाली फुटबल महासङ्घ (एएफसी) को ’ड्र’ अनुसार एपीएफ समूह ’सी’ मा रहेको छ ।
यो समूहमा एपीएफसँगै उज्वेकिस्तानको फुटबल क्लब नासाफ र मलेसियाको सबा फुटबल क्लब रहेको छ । एएफसीका अनुसार प्रारम्भिक चरणमा १३ वटा टोलीले प्रतिस्पर्धा गर्नेछन् । समूह ’ए’ मा चार र अन्य तीन वटा समूहमा तीन टोली रहेका छन् ।
खेल पर्सि आइतवारदेखि शुरू हुँदैछ । एपीएफले पहिलो पटक महिला च्याम्पियन्स लिगको प्रारम्भिक छनोट खेल्न लागेको हो ।
