काठमाण्डौ - काभा महिला भलिबल नेशन्स लिगमा श्रीलङ्कालाई हराउँदै इरानले तेस्रो स्थान ओगटेको छ ।
काठमाण्डौको त्रिपुरेश्वरमा रहेको राष्ट्रिय खेलकुद परिषद् (राखेप) को कभर्डहलमा आज भएको तेस्रो स्थानको प्रतिस्पर्धामा इरानले श्रीलङ्कालाई ३–० को सोझो सेटमा हरायो । इरानले पहिलो सेट २५–२२, दोस्रो सेट २८–२६ र तेस्रो सेट २५–१७ ले हरायो ।
काभा महिला भलिबलको उपाधिका लागि अहिले नेपाल र भारत खेल्दैछन् । नेपाल इरानलाई हराउँदै र भारत श्रीलङ्कालाई हराउँदै फाइनलमा पुगेका हुन् ।
