अमेरिकाविरूद्ध नेपालकाे सानदार सुरूवात, करण केसीले लिए चौथो विकेट

आईसीसी विश्वकप छनोटको दोस्रो खेलमा अमेरिकाविरुद्ध नेपालले उत्कृष्ट सुरूवात गरेको छ । नेपाललाई चौथो सफलता हात परेको छ। अमेरिकाको तीन विकेट लिएका करण केसीले चौथो विकेट पनि झारेका छन । उनले नोस्थुस केन्जीगलाई आउट गराए।
उनले  तेस्रो विकेटमा आरोन जोन्सलाई आउट गरे। २२ बलको सामना गरेका जोन्सले जम्मा २ रन जोडेका थिए । यस अघि करणले पहिलो विकेटमा स्टेभेन टेलरलाई एलबिडब्लुको शिकार बनाए । भने दोस्रोमा सैतेजा मुक्कामल्लालाइ आउट गरे।  करणले ६ ओभरमा दुई मेडन ओभरसहित मात्र ७ रन खर्चेर चार विकेट लिएका हुन्। अमेरिकाले १२ औं ओभरमा २३ रन बटुलेको छ। टस जितेर नेपालले अमेरिकालाई ब्याटिङको निम्तो दिएको थियो ।