दाङ, दाङको घोराही उपमहानगरपालिका वडा नं १८ अम्वापुरको पैतीखोलामा हिलोको दलदलमा फसेर तीन जनाको मृत्यु भएको छ ।
आइतबार बेलुकी खेतमा रोपाइँ सकेर घर फर्कने बेला हातखुट्टा धुन गएको समयमा दलदलमा फसेर दुई दिदीबहिनी र फूपु गरी तीन जनाको मृत्यु भएको जिल्ला प्रहरी कार्यालय दाङले जनाएको छ ।
मृत्यु हुनेमा १९ वर्षीया वसन्ती विक,१९ वर्षकै झरना विक र १६ वर्षीया अमृता विक रहेका छन् । प्रहरिका अनुसार झरना र अमृता दिदीबहिनी हुन् भने वसन्ती फूपु हुन्।
सुरुमा एक जना किशोरी हातखुट्टा धुने क्रममा खाल्डोमा डुबेको र उनलाई तान्ने क्रममा अन्य दुई जनाको समेत ज्यान गएको प्रहरीले जनाएको छ ।
