नवलपरासी, आइतबार बेलुका आएको हावाहुरीले नवलपरासीको विनयी त्रिवेणीमा एक बालिकाको ज्यान गएको छ ।
बेलुका आएको हावाहुरीका कारण घरको जस्तापाता उडाउँदा जस्तापाताले लागेर विनयी त्रिवेणी गाउँपालिका–७ त्रिवेणी बस्ने लालन यादवको १० वर्षीया छोरी अञ्जली यादवको मृत्यु भएको इलाका प्रहरी कार्यालय त्रिवेणीले जनाएको छ ।
प्रहरिका अनुसार जस्तापाताले लागेर अञ्जलीको घटनास्थलमा नै मृत्यु हो ।
हावाहुरीका कारण उडाएको जस्तापाताले लागेर अन्य केही व्यक्तिसमेत घाइते भएका छन । हावाहुरीका कारण विनयी त्रिवेणी वडा नम्बर ६ र ७ मा गरी करीब ८० घरमा क्षति पुर्याएको प्रहरीले जनाएको छ । हावाहुरीले घरको छानो उडाइदिएको छ ।
हावाहुरीका कारण नेपाल भारत सीमा त्रिवेणी व्यारेज पुलमा सिसीटिभी अनुगमनका लागि स्थापना गरिएको अस्थायी प्रहरी पोष्टमा समेत क्षति पुगेको छ ।
