श्रावण २२,२०७९ / १० : १३ अपरान्ह / 2022-08-07 10:13 pm

        अब नासाको स्पेस स्टेशनमा जान पाइने

        - ३ वर्ष अगाडि
        जेष्ठ २५,२०७६

        काठमाडौं , पर्यटकहरुलाई विभिन्न नयाँ ठाउँ घुम्न र देख्न मन पर्छ । यसै क्रममा नासाले पर्यटकहरुको लागि एउटा नयाँ अफर ल्याएको छ ।  पर्यटकहरु आगामी वर्षदेखि नासाको अन्तर्राष्ट्रिय स्पेस स्टेशनमा जान पाउने भएका छन् । यसका लागि पर्यटकले ३५ हजार डलर खर्च गर्नुपर्ने हुन्छ । 

        स्पेस स्टेशनलाई पर्यटन र दोस्रो व्यापारिक कामको लागि खुला गर्न लागिएको अमेरिकाको अन्तरिक्ष एजेन्सी नासाले जनाएको छ । हरेक वर्ष १२ जना निजी अन्तरिक्ष यात्री अन्तरर्राष्ट्रिय स्पेस स्टेशन जान पाउनेछन । 

        अन्तरर्राष्ट्रिय स्पेस स्टेशनका उपनिर्देशक रोबिन गेटेन्सले भनेका छन्, हरेक वर्ष छोटो अवधिको लागि निजी अन्तरिक्ष मिशन पठाइने छ । यस मिशनको खर्च निजी कम्पनीले व्यहोर्ने छ ।

        नासाका अनुसार निजी अन्तरिक्ष यात्रीहरुलाई अन्तर्राष्ट्रिय स्पेस स्टेशनसम्म जानका लागि ३० दिन लाग्ने छ । उनीहरुलाई अमेरिकाको स्पेसक्राफ्टबाट स्टेशनमा लगिने छ । 

        अन्तरर्राष्ट्रिय स्पेस स्टेशन बाहिरी अन्तरिक्षमा अवस्थित छ । यो स्टेशन अन्तरिक्षसँग सम्बन्धी अनुसन्धान गर्नका लागि विकसित गरिएको थियो । यो पृथ्वीको नजिकको कक्षमा रहेको छ । यो स्टेसन एक प्रकारको कृत्रिम उपग्रह हो, जहाँ मानिसहरु बस्छन्, काम गर्छन् र धेरै प्रकारका प्रयोगहरु गर्दछन । 

        मुख्य लेखा अधिकारी जेफ डेविटले भनेका छन्- नासा अन्तरर्राष्ट्रिय स्पेस स्टेशनलाई व्यवसायिक अवसरका लागि खुला गरिँदै छ । हामीले यस्तो पहिलोपटक गर्न गइरहेका छौं ।

        निजी कम्पनीले नै क्रूमा को-को रहने भन्ने तय गर्ने छ र उसैले नै अन्तरिक्ष उडानका लागि तालिम तथा स्वास्थ्य सेवा उपलब्ध गराउने छ ।

        नासाले यस कामका लागि इलोन मस्कको स्पेसएक्स र बोइङ्ग नामका दुई वटा कम्पनीलाई नियुक्त गरेको छ । स्पेसएक्सले आफ्नो ड्रागन क्याप्सुल प्रयोग गर्ने छ भने बोइङ्गले स्टारलाइनर नामको स्पेसक्राफ्ट बनाइ रहेको छ । यी कम्पनीले कुनै निजी अन्तरिक्ष यात्रीसँग त्यति नै भाडा लिने छ, जति उसले नासाका अन्तरिक्ष यात्रीहरुसँग लिने गरेको छ । अर्थात् हरेक उडानमा उसले ६ करोड डलरभन्दा बढी भाडा लिने छ ।

        यसअघि नासाले स्पेस स्टेशनलाई कुनै व्यवसायिक रुपमा खुला गरेको थिएन । उसका अन्तरिक्ष यात्री अन्य कम्पनीको अनुसन्धानमा भाग लिन पाउँदैनथे । यद्यपि नासा यस स्टेशनको मालिक भने होइन ।

        अमेरिका र रुस मिलेर सन् १९९८ मा यसको निर्माण सुरु गरेका थिए ।

        सन् २००१ मा अमेरिकी व्यापारी डेनिस टिटो अन्तर्राष्ट्रिय स्पेस स्टेशनमा जाने पहिलो पर्यटक थिए । उनले दुई तर्फी यात्राका लागि रुसलाई दुई करोड डलर बुझाएका थिए ।

          सम्बन्धित समाचारहरु