काठमाण्डौ – तारकेश्वर नगरपालिकामा टिप्परले मोटरसाइकललाई ठक्कर दिँदा एक जनाको ज्यान गएको छ भने एकजना घाइते भएका छन् । मोटरसाइकलमा ३ जना सवार थिए ।
तारकेश्वर नगरपलिका–११ जरंखु लामबगर नजिकै गएराति बा ५ ख ६४४९ नम्बरको टिप्परले बा ८० प ७२९० नम्बरको मोटरसाइकललाई ठक्कर दिएको हो । मृत्यु हुनेमा रसुवाका २७ वर्षीय आकाश तामाङ भएको प्रहरीले जनाएको छ । उनको उपचारका क्रममा वीर अस्पतालमा ज्यान गएको हो । घाइते भएका नुवाकोटका २८ वर्षका राजकुमार तामाङको पनि वीर अस्पतालमै उपचार भइरहेको छ । मोटरसाइकल चालक भने सकुशल रहेको प्रहरीले जनाएको छ ।
