काठमाडौं, यही जेठ ३१ गतेबाट श्विकप २०१८ रुसमा सुरु हुदैछ ।
रुसमा विश्वकप फुटबलमय बनाउन त्यहाँका राजनीतिक नेतृत्वदेखि खेलप्रेमी र सुन्दरीसमेत सक्रिय भएका छन् । फिफा विश्वकप फुटबलका लागि विशेषदूतका रुपमा रुसी सुन्दरी भिक्टोरिया लोपरेभा नियुक्त भएकी छन् ।
भिक्टोरिया लोपरेभा रुसमा चिरपरिचित नाम मानिन्छ । उनी सन् २००३ मा ‘मिस रुस’ भएकी थिइन् । मोडलिङका अतिरिक्त उनी एङ्करिङ र टेलिभिजन कार्यक्रम प्रस्तोता पनि हुन् । ३४ वर्षीया भिक्टोरियाले कयौं अवार्ड हात पारेकी छन् ।
समाचार एजेन्सीहरुका अनुसार रुसी राष्ट्रपति भ्लादिमिर पुटिन पनि भिक्टोरियाका प्रशंसक हुन् । पुटिनले नै उनलाई विश्वकप फुटबलको दूत बनाएको चर्चा चलिरहेको छ । राजनीतिक रुपमा भिक्टोरिया पनि पुटिनकै समर्थक मानिन्छ । तर खेलाडीमा भने भिक्टोरियाले अर्जे्न्टिनाका स्टाइकर लियोनल मेस्सीलाई समर्थन् गर्छिन् ।
त्यसो उता उनी ब्राजिलका नेयमार र पोर्चुगलका क्रिस्टियानो रोनाल्डोको पनि प्रशंसा गर्छिन् ।
एजेन्सी
