काठमाडौं, राष्ट्रियसभामा आगामी २०८२ फागुन २० गतेदेखि रिक्त हुने १८ पदका लागि आज देशभर निर्वाचन हुँदैछ । निर्वाचन आयोगका अनुसार बिहान ९ बजेदेखि दिउँसो ३ बजेसम्म सातै प्रदेशमा मतदान हुने गरी सबै तयारी पूरा भइसकेको छ ।
कुल १८ पदमध्ये कोशी प्रदेशको खस आर्य समूहअन्तर्गत एक पदमा निर्विरोध निर्वाचन भइसकेको छ भने बाँकी १७ पदका लागि आज मतदान हुन लागेको आयोगका प्रवक्ता नारायणप्रसाद भट्टराईले जानकारी दिए ।
कोशी प्रदेशको खस आर्यतर्फबाट नेपाली कांग्रेसका सुनिलबहादुर थापा निर्विरोध निर्वाचित भइसकेका छन् । बाँकी पदका लागि हुने मतदानका लागि सातै प्रदेशमा मतदानस्थल तथा मतदान केन्द्र निर्धारण गरिएको छ ।
निर्धारित केन्द्रअनुसार—
-
कोशी प्रदेश: प्रदेश निर्वाचन कार्यालय परिसर, विराटनगर (मोरङ)
-
मधेस प्रदेश: महेन्द्रनारायण निधि मिथिला संस्कृति केन्द्र, जनकपुर उपमहानगरपालिका–४ (धनुषा)
-
बागमती प्रदेश: भुटनदेवी माध्यमिक विद्यालय, हेटौँडा उपमहानगरपालिका–४ (मकवानपुर)
निर्वाचन आयोगले मतदान प्रक्रिया शान्तिपूर्ण र व्यवस्थित रूपमा सम्पन्न गर्न आवश्यक सबै प्रबन्ध मिलाइसकेको जनाएको छ ।
