काठमाडौं, काठमाडौं महानगरपालिकाले डेंगु रोग नियन्त्रणका लागि आज एकदिने मेगा अभियान सञ्चालन गरेको छ । अभियान आज बिहान ८ बजे राष्ट्रिय सभागृहबाट सुरु भएके थियो । सो अभियानलाई ‘वाक एन्ड एक्ट’ नाम दिइएको छ ।
यस अभियानको क्रममा लामखुट्टे बस्ने स्थानहरू नष्ट गर्ने, लामखुट्टेको टोकाइबाट जोगिने उपायबारे जानकारी दिन माइकिङ गर्ने लगायतका काम हुने महानगरपालिकाको स्वास्थ्य विभाग प्रमुख दिपक कुमार केसीले बताए ।
महानगरपालिका अन्तर्गतका सबै वडामा एकसाथ, एकै समयमा ‘वाक एन्ड एक्ट’ मेगा अभियान सञ्चालन गरिएको हो ।
यसअघि यस्तो अभियान महानगरपालिकाले हरेक हप्ताको शुक्रबार गर्दै आएको थियो ।
