'म्युजिक खबर तीज म्युजिक अवार्ड' २०८२ मा २१ विधामा कलाकारहरूलाई सम्मान गरिएको छ। अभिनेत्री लक्ष्मी गिरीलाई ’विशिष्ट नारी सम्मान’ प्रदान गरिएको हो भने दीपाश्री निरौला, मन्जु थापा र हरिमाया गुरुङ ‘नारीरत्न सम्मान’ बाट सम्मानित भए ।
सांसद रेखा यादव, चलचित्र विकास बोर्ड अध्यक्ष दिनेश डीसी, अवार्ड अध्यक्ष सविता पोखरेल र पत्रकार शान्तिप्रियले विभिन्न सम्मान हस्तान्तरण गरेका थिए ।
कार्यक्रममा ‘छैन नि चोलिया’ गीतलाई सर्वोत्कृष्ट तीज गीत घोषित गरियो। संस्थाका अध्यक्ष सविता पोखरेलका अनुसार तीज गीत र संस्कृति प्रवद्र्धनका लागि चार वर्षदेखि शुभकामना मिडियाले यो अवार्ड आयोजना गर्दै आएको छ ।
त्यसैगरी, मौलिक तीज गीत, म्यूजिक भिडियो महिला मोडल र पब्लिक च्वाइस लगातका विभिन्न विधामा पनि कलाकारहरूले अवार्ड प्राप्त गरेका थिए ।
