काठमाडौं, चितवनमा रहेको भरतपुर अस्पतालको सेफ्टिक ट्यांकीमा खसेर एक बालिकाको मृत्यु भएको छ ।
भरतपुर अस्पतालको बी ब्लक नजिकै रहेको सेफ्टिक ट्यांकीमा खसेर पाँच वर्षीया अन्जना मगरको उपचारको क्रममा मंगलबार बेलुकी ६ः४० बजे मृत्यु भएको हो ।
अस्पतालका प्रवक्ता डाक्टर रामप्रसाद सापकोटाले उनी सेफ्टी ट्याङ्की भित्र पाइप घुसार्न खुला छोडिएको प्वालबाट भित्र छिर्न खोज्दा खसेको दाबी गरेकाछन् ।
अन्जना भरतपुर अस्पतालमा कार्यरत कर्मचारी विकास मगरकी छोरी हुन् । उनलाई सेफ्टी ट्याङ्कीबाट निकाल्न करिब पाँच मिनेट जति मात्रै लागेको थियो ।
