सुनचाँदी व्यवसायीको कर विरोध प्रदर्शन

काठमाडौं, सुनचाँदी गहनामा लगाइएको विलासिता कर खारेज गर्न माग गर्दै सुनचाँदी व्यवसायीहरुले काठमाडौँमा प्रदर्शन गरेका छन् । आर्थिक वर्ष २०८२÷८३ को बजेट अनूसार सुनमा लगाइएको २ प्रतिशत विलासिताको कर र सुनका गहनामा प्रयोग हुने बहुमूल्य पत्थर र हिरामा लागू गर्न खोजिएको १३ प्रतिशत कर खारेज गर्न माग गर्दै आइतबार काठमाडौंमा प्रदर्शन गरेका हुन् । सुनचाँदी गहनामा लगाइएको अनावश्यक करले यस व्यवसाय थप सङ्कटमा परेको भन्दै फिर्ता लिन माग गरेका हुन् । उनीहरुले उपभोक्ता कर्मचारी र कालिगढ तथा व्यवसायी मैत्री ऐन जारी गर्न पनि माग गरेका छन् ।