प्रधानमन्त्री केपी शर्मा ओलीले नेवारी संस्कृतिले नेपाली संस्कृतिलाई प्रतिविम्बित गरेको बताएका छन् । बुधबार २१ औं राष्ट्रिय ज्यापु दिवसका अवसरमा आयोजित कार्यक्रममा बोल्दै प्रधानमन्त्री ओलीले नेवारी संस्कृति,नेवारी परिकार र नेवारी पहिरनको आफ्नै इतिहास र पहिचान भएको बताए ।
प्रधानमन्त्री ओलीले नेवारी संस्कृतिले नेपाली संस्कृतिलाई प्रतिविम्बित गर्ने बताए । उनले सबै मिलेर नेपाली संस्कृतिको जगेर्ना गर्नुपर्ने बताए । नेवारी संस्कृति अरु संस्कृतिभन्दा फरक छ र नेवारी संस्कार, नेवारी परिकार र नेवारी पहिरनको आफ्नै इतिहास र विशेषता भएको उनले बताए ।
प्रधानमन्त्री ओलीले इतिहास बोकेको नेवार संस्कृतिलाई अगाडि बढाउन आवश्यक रहेको औंल्याए ।
उनले ज्यापु समुदायले राखेका मागप्रति गम्भीर ध्यानाकर्षण भएको बताए । उनले माग पूरा गर्न आफूले सक्दो सहयोग गर्ने बचन दिए ।
