काठमाडौं । काठमाडौंमा भएको सौर्य एयरको विमान दुर्घटनामा बाँच्न सफल पाइलट मनिषरत्न शाक्य आज अस्पतालबाट डिस्चार्ज हुने तयारीमा छन् ।
मृत्युको मुख बाट फर्केका उनि गत साउन ९ गतेदेखि काठमाडौंको सिनामंगलस्थित केएमसी अस्पतालमा उपचार भइरहेको र अहिले उनको स्वास्थ्य अवस्था हाल सामान्य रहेको अस्पतालले जानकारी दिएको छ ।
उक्त विमान दुर्घटना काठमाडौँबाट पोखरा उडान गर्दै गर्दा त्रिभुवन अन्तर्राष्ट्रिय विमानस्थलमै भएको थियो । सो घटनामा १९ जनामध्ये १८ जनाको निधन भएको थियो, जसमा अधिकांश कर्मचारी थिए । यो दुर्घटना नेपालको हवाई उड्डयन इतिहासमा एक दुःखद क्षणको रूपमा अंकित भएको छ ।
स्रोतका अनुसार, नेपाल सरकार र नागरिक उड्डयन प्राधिकरणले घटनाको विस्तृत छानबिन गर्ने प्रक्रिया शुरु गरिसकेको छ । यसैबीच, विमान उद्योगमा सुरक्षा मापदण्डको पुनरावलोकन गर्न र विमानको अवस्थाबारे गम्भीरता पूर्वक सोच्नुपर्ने आवश्यकतालाई पनि उठाइएको छ ।
