हरेक बिषयबस्तुलाई कलात्मक ढड्गले हेर्न सके त्यहा एउटा राम्रो र्सिजना निर्माण हुन्छ भन्ने सोच भएकी बिराटनगरकी एक सफल उद्यमी महिलामा गनिन्छन् कृति श्रेष्ठ उपाध्याय ।
कला र सृजनाकी धनी कृति पेशाले एक सफल इन्टेरियर डिजाइनर हुन । २ दशक भन्दा बढि समय भयो उनले यस पेशामा बिताएको । जतिबेला उनले यो पेशालाई आफ्नो रोजाई बनाइन त्यतिबेला सम्म उनलाई इन्टेरियर डिजाइन भनेको के हो भन्ने समेत थाहा थिएन ।
सानैदेखि कलात्कम बस्तुहरु र आन्तरिक सजावटमा रुचि भएकी उनले यसै पेशाबाट आफ्नो भबिश्य त बनाइन नै, यस्तै यस क्षेत्रमा रुचि भएका करिव ४ सय जना इन्टेरियर डिजाइनर समेत उत्पादन गरिसकेकी छिन् ।
जतिबेला उनले बिराटनगरमा भोग इन्टेरियर नेपालको स्थापना गरिन त्यो बेला प्राय मानिसहरुलाई यस सम्बन्धि जानकारी नै थिएन । उनले हरेक मानिसको घर, अफिस,मात्रै सजाउदिनन्, इन्टेरियर डिजाइनरमा भविष्य खोज्ने धेरैको सपनालाई पुरा समेत गर्दै आएकी छिन् ।
