भदौ २७ गते नेपाल आउन लागेका चिनियाँ जनकंग्रेसका अध्यक्ष ली चान्सुको सुरक्षा जिम्मा नेपाली सेनालाई दिइएको छ ।
चिनियाँ कम्युनिष्ट पार्टीमा तेस्रो वरीयताका उनी तीन दिनका लागि नेपाल भ्रमणमा आउन लागेका हुन् ।
नेपाल सरकारले बेलायती महारानी एलिजाबेथ द्वितीयको निधनमा तीन दिने शोक घोषणा गरेका बेला चिनियाँ नेताको औपचारिक भ्रमण हुन लागेको हो ।
उनी सभामुख अग्नि सापकोटाको निमन्त्रणामा नेपाल आउन लागेका हुन । लीको सबै राजनीतिक भेटघाटको कार्यक्रममा संसद भवन नयाँबानेश्वरमा हुने भएको छ ।
उनी करिब सयजनाको टोलीसहित आउन लागेपछि नेपाली सेनाका कर्णेलको कमान्डमा सुरक्षा बन्दोबस्त गर्न थालिएको हो ।
