काठमाडौं । जनता समाजवादी पार्टी नेपालका संघीय परिषद् अध्यक्ष डा बाबुराम भट्टराई कोरोना (कोभिड–१९) संक्रमित भएका छन् ।
आरटी पीसीआर परीक्षण गराउँदा उनको रिपोर्ट पोजेटिभ आएको हो । आफु कोरोना संक्रमित भएको उनले ट्वीटरमार्फत जानकारी दिएका हुन् ।
अहिले उनी आइसोलेसनमा बसेका छन् । सतर्कताका बाबजुद आफूलाई कोरोना संक्रमण भएकाले केही दिन आइसोलेसनमा रहने उनले ट्वीटरमार्फत बताएका छन् ।
साथै डा. भट्टराईले आफ्नो सम्पर्कमा आएकाहरूलाई सतर्क रहन आग्रह गरेका छन् ।
