काठमाडौं, चितवनमा ६० वर्षीया कोरोना संक्रमित महिलाको मृत्यु भएको छ । यो संगै चितवनमा कोरोना संक्रणबाट मृत्यु हुनेको संख्या ३२ पुगेको छ ।
चितवनमा मेडिकल कलेज भरतपुरको भेन्टिलेटरमा उपचार गराउँदै आएकी रौतहटको चन्द्रनिगाहापुर ५ की ६० वर्षीया महिलाको मृत्यु भएको हो ।
उनको शनिबार विहान ५ बजे मृत्यु भएको चितवन मेडिकल कलेजका निर्देशक डा। दयाराम लम्सालले जानकारी दिएका छन् । भदौ २८ गते आकस्मिक कक्षमा भर्ना भएकी उनलाई ल्याउनेवित्तिकै आइसियूसहित भेन्टिलेटरमा राखिएको थियो ।
उनमा भदौ २९ गते कोरोना संक्रमण पोजेटिभ आएको थियो । उनलाई निमोनिया, थाइराइड र उच्च रक्तचापको समस्या समेत भएको पाइएको बताइएको छ ।
