काठमाडौं, बुधबार थप ६ सय २९ जनामा कोरोना संक्रमण पुष्टि भएको छ । यो संगै नेपालमा कोरोना संक्रमितको कुल संख्या १० हजार ७ सय २८ पुगेको छ । यीमध्ये ११० महिला हुन् भने बाँकी ५१९ पुरुष हुन् ।
पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा ६ सय २९ जनामा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन् ।
२४ घण्टायता डिस्चार्ज हुनेको संख्या १ सय १४ रहेको छ । नेपालमा कोरोना भाइरस संक्रमण निको भएर घर फर्किनेको संख्या २ हजार ३ सय ३८ जना रहेको मन्त्रालयका प्रवक्ता जागेश्वर गौतमले जानकारी दिए । हालसम्म नेपालमा २४ जना कोरोना संक्रमितको मृत्यु भएको छ ।
