जनकपुर, प्रदेश नं-२ सरकारले संघमा रहेको अख्तियार दुरुपयोग अनसुसन्धान आयोग जस्तै छुट्टै आयोग गठन गर्ने भएको छ ।
जसका लागि प्रदेश सरकारले शनिबारको प्रदेशसभा बैठकबाट जनलोकपाल विधेयक पारित पारित गराएको छ ।
प्रलेश सभाले प्रदेशमा सुशासन कायम गर्ने सम्बन्धमा व्यवस्था गर्न बनेको विधेयक २०७६ सर्वसम्मतले पारित गरेको हो ।
प्रदेश सरकारले प्रदेशसभामा पेश गरेको प्रदेशमा भ्रष्टाचार, ढिलासुस्तीजस्ता अनियमितता रोक्नका लागि सो विधेयक सर्वसम्मतले पारित भएको हो ।
प्रदेशसभाबाट पारित सो विधेयक प्रदेश प्रमुखबाट प्रमाणित भई राज्यपत्रमा प्रकासित भएपछि प्रदेश ‘जनलोकपाल ऐन २०७६’ को नाउँले कार्यान्वयनमा आउने छ ।
