काठमाडौ, राष्ट्रियसभाका १८ सिटका लागि सातवटै प्रदेशमा मतदान सकिएको छ । प्रदेशगत रुपमा सम्बन्धित प्रदेशको प्रदेशशभा, नगरपालिका प्रमुख र उपप्रमुख तथा गाउँपालिका अध्यक्ष र उपध्यक्षहरु मतदान गरेका हुन् ।
उनीहरुको मतबाट राष्ट्रियसभा सदस्य चुनिनेछन् । प्रदेश १ मा विराटनगर महानगरपालिकाको बीरेन्द्र सभागृह, प्रदेश २ मा जनकपुर उपमहानगरपालिकाको महेन्द्रनारायण निधि स्मृति भवन र बागमति प्रदेशमा ललितपुर महानगरपालिका ४ को वडा समिति भवनमा मतदान भयो ।
त्यस्तै, गण्डकी प्रदेशमा पोखरास्थित जिल्ला निर्वाचन कार्यालयल परिसर, प्रदेश ५ मा दाङ घोराहिस्थित कर्मचारी मिलन केन्द्र, कर्णाली प्रदेशमा जिल्ला निर्वाचन कार्यालय सुर्खेत र सुदूरपश्चिम प्रदेशमा दिपायलस्थित सिलगढी नगरपालिकाको पद्यम पब्लिक मुक्ति नारायण उच्च माविमा मतदान सम्पन्न भएको हो ।
