काठमाडौं, प्रधानमन्त्री केपी शर्मा ओलीले आज संसद बैठकमा सम्बोधन गर्ने भएका छन् ।
सम्बोधनका क्रममा प्रधानमन्त्रीले सरकारले गरिरहेका काम तथा समसामयिक राजनीतिक घटनाक्रमका बारेमा बोल्ने प्रधानमन्त्रीका प्रेस संयोजक चेतन अधिकारीले जानकारी दिएका छन ।
संसदमा सम्बोधन गर्न प्रधानमन्त्री ओली दिउँसो साढै २ बजे संसद भवन पुग्नेछन् । स्वास्थ्य समस्याका कारण सार्वजनिक कार्यक्रममा कम सहभागी भएका प्रधानमन्त्री ओली बुधबारदेखि भने केही सक्रिय भएका छन् ।
