काठमाडौं,नेताहरुको जिम्मेवारी बाँडफाँडका विषयमा छलफल गर्न नेपाल कम्युनिस्ट पार्टी नेकपाको सचिवालय बैठक भोली बोलाइएको छ ।
मंगलबारका लागि बोलाइएको बैठक आन्तरिक तयारी नपुगेको, गृहकार्य बाँकी रहेको भन्दै स्थगित गरिएको थियो । आइतबार बसेको बैठकले एकता प्रक्रिया टुंगो लगाएको थियो । कार्यविभाजनलाई अन्तिम रुपम दिन मंगलबारका लागि बोलाइएको बैठक भने गृहकार्य नपुगेका कारण स्थगित गर्नुपरेको नेकपाको सचिवालयले जनाएको छ । नेकपाको एकिकरण भएको १४ महिना बितिसक्दासमेत एकिकरणको सम्पूर्ण प्रकृया पुरा भईसकेको छैन ।
बिहीबार बस्ने बैठकले विभिन्न ३२ वटा विभाग, तीन आयोग र एक सल्लाहकार समितिको जिम्मेवारी बाँडफाँड गरिने बुझिएको छ । उच्च तहका नेताहरु जिम्मेवारी बाँडफाँडका विषयमा अहिले पनि आन्तरिक छलफलमा जुटेका छन् । कसलाई कुन जिम्मेवारी दिने भन्ने विषयमा अनौपचारिक छलफल जारी रहेको नेकपाले जनाएको छ ।
