काठमाडौं - नेपाली काङ्रेसका सभापति शेरबहादुर देउवा सिंगापुर प्रस्थान गरेका छन ।
पेटमा समस्या भएपछि देउवा त्यसको उपचारका लागि बुधबार राति सिंगापुर प्रस्थान गरेको कांग्रेस केन्द्रीय कार्यालयले जानकारी दिएको छ ।
केही समय अगाडिदेखी पेटसम्बन्धी समस्या झेल्दै आएका देउवाले सिंगापुरको माउण्ट एलिजावेथ अस्पतालमा आफ्नो स्वास्थ्य जाँच गराउँदै आएका छन् । चिकित्सकको सल्लाहअनुसार देउवा आफ्नो नियमित स्वास्थ्य परीक्षणका लागि बुधबार राति त्यसतर्फ प्रस्थान गरेका हुन् । उनको साथमा पत्नी आरजू राणा पनि रहेकी छिन् । देउवा जेठ १३ गते स्वदेश फर्कने कार्यक्रम रहेको छ ।
