काठमाडौं - सिके राउत नेतृत्वको जनमत पार्टी सोमबार निर्वाचन आयोगमा दर्ता भएको छ । बिखन्डनकारी आवाज लिएर हिडिरहने राउत खुला राजनीतिमा आएपछि उनीसहित कार्यसमितिका ३५ जनाले गत १५ बैशाखमा आयोगमा पुगेर दल दर्ताका लागि निवेदन दिएका थिए ।
जनमत पार्टीका एक नेताका अनुसार सोमबार आयोगले वैधानिक रुपमा पार्टी दर्ता गरेपछि पार्टिले काम अगाडि बढाउने छ । गत फागुन २४ गते सरकारसँग ११ बुँदे सहमति गरेपछि राउत नेतृत्वको समूहले ‘जनमत पार्टी’ नामको दल सञ्चालन गरेको हो ।
