काठमाण्डौ, नेपाली कांग्रेस केन्द्रिय समिति बैठकमा विधान मस्यौदा समितिले तयार पारेको संशोधित विधानको मस्यौदा पेश गरेको छ ।
समितिका संयोजक महामन्त्री पूर्णबहादुर खड्काले पेश गरेको मस्यौदा अध्ययनका लागि केन्द्रिय सदस्यहरुलाई वितरण गरिएको छ ।
सो मस्यौदा सदस्यहरुले तीन दिन अध्ययन गरेर सुझाब दिनेछन् । प्रस्तावित विधान मस्यौदामा केन्द्रीय सदस्यको संख्या ८५ बाट बढाएर १ सय ४१ पुर्याउने प्रस्ताव गरिएको छ । पदाधिकारीको संख्यालाई भने यथावत राख्ने प्रस्ताव गरिएको छ ।
साथै साधारण र क्रियाशिल भनी दुई प्रकारका सदस्यहरुको प्रकृति पनि एउटै बनाउने प्रस्ताव गरिएको छ । केन्द्रिय सदस्यहरुको राय लिनका लागि समितिको बैठक १३ गते बस्नेछ ।
