काठमाडौं, नेपाली काँग्रेसका सभापति शेरबहादुर देउवाले पार्टीमा सबै एक भएर अगाडि बढ्नुको विकल्प नभएको बताएका छन् ।
नेपाली काँग्रेस चाँगुनारायण नगर समितिले धान दिवसको अवसरमा शुक्रबार बागेश्वरीमा आयोजना गरेको रोपाइँ कार्यक्रममा बोल्दै सभापति देउवाले सबै मिलेर पार्टीलाई अगाडि बढाउनुपर्ने बताएका हुन् । उनले आगामी दिनमा सबै एक भएर अगाडि बढे काँग्रेस पुन : देशको एक नम्बरको पार्टी बन्ने बताए ।
सांस्कृतिक परम्पराले नेपाली संस्कृतिलाई जीवन्त बनाएको भन्दै सभापति देउवाले धान दिवसले कृषि परम्परा र संस्कृतिको पहिचान स्थापित गरेको बताए ।
