काठमाडौं, नियमित महाधिवेशनको समय सार्वजनिक गर्न माग गर्दै युवा कार्यकर्ताले सानेपास्थित नेपाली कांग्रेसको केन्द्रीय कार्यालयको मूल गेटमा तालाबन्दी गरेका छन् ।
पार्टीमा ४० प्रतिशत युवा प्रतिनिधित्वको माग गर्दै केही युवाले कांग्रेस केन्द्रीय कार्यालय सानेपामा तालाबन्दी गरेका हुन् ।
पटक(पटक केन्द्रीय समितिको बैठक सारेर महाधिवेशन अन्योलमा पारिएको र प्रतिनिधित्वको सवालमा अनुदार बनेको भन्दै आइतबार तालाबन्दी गरेर दबाब दिइएको युवा नेताहरुले बताएका छन् ।
बिहीबार एक दिन बसेको बैठक शुक्रबार बस्दै नबसी आइतबारका लागि सारिएको थियो । तर महाधिवेशनको विषयमा कुरा नमिल्दा फेरि मंगलबार बस्ने गरी केन्द्रीय समितिको बैठक सारिएको छ ।
