विराटनगर, सर्वोच्च अदालतको पूर्ण इजलासमा आजदेखि कोशी प्रदेश सरकार गठनको वैधानिकतामाथि छलफल हुने भएको छ ।
२१ असारमा कांग्रेस संसदीय दलका नेता उद्धव थापाले माओवादी केन्द्र, एकीकृत समाजवादी, जसपाको समर्थनमा सरकारको दाबी गर्दा सभामुख बाबुराम गौतमको लिखित समर्थन पेस गरेपछि विवाद सुरु भएको हो ।
सभामुख गौतमको उक्त निर्णय र प्रदेश प्रमुख पर्शुराम खापुङले मुख्यमन्त्री नियुक्त गरेपछि विवाद सुरु भएको हो । मुख्यमन्त्री थापा, सभामुख गौतम र प्रदेश प्रमुख खापुङलाई विपक्षी बनाएर कार्कीले मुद्दा दायर गरेका थिए ।
मुख्यमन्त्री थापा, सभामुख गौतम र प्रदेश प्रमुख खापुङलाई विपक्षी बनाएर दिएको मुद्दामा सोमबार सुनवाइ हुँदा न्यायाधीशद्वय सुष्मालता माथेमा र तिलप्रसाद श्रेष्ठको संयुक्त इजलासले उक्त रिट निवेदन पूर्ण इजलासमा पठाउन आदेश दिएको थियो ।
एमाले नेता तथा पूर्वमुख्यमन्त्री हिक्मत कार्कीले दायर गरेको मुद्दामा असार अन्तिम सातादेखि सर्वोच्चमा बहस भइरहेको छ ।
