काठमाडौं, नारायणगढ–मुग्लिन सडकखण्डको तुइन खोला पुल नजिकै हिजो मंगलबार खसेको पहिरो पन्छाउने काम आज बिहानबाट थालिएको छ । सडक डिभिजन कार्यालय भरतपुरका अनुसार पहिरो पन्छाउन आज दिनभर लाग्न सक्ने छ ।
मंगलबार दिउँसो करिब ४ः५० बजेतिर ठूलो पहिरो खसेका कारण सडक आवागमन दुईतर्फी नै बन्द भएको हो । त्यसैले सबै सवारी धनी, चालक एवम् यात्रुहरुलाई वैकल्पिक सडक प्रयोग गर्न भनिएको छ ।
तुइनखोलास्थित सडकमा खसेका सुक्खा पहिरोले सडक समेत भासिने जोखिम बढेको चितवनका एसपी गोविन्द पुरीले बताएका छन् ।
पहिरो खसेलगत्तै नारायणगढ–मुग्लिन सडकखण्ड अनिश्चितकालका लागि बन्द गरिएको छ ।
