विराटनगर, नेपाली नारीहरुको महान चाड हरितालिका तिजको उपलक्ष्यमा समितीले तिजमा सिप भन्ने नाराका साथ नेपाल घरेलु तथा साना उद्योग महासंघ महिला उद्यम समिति मोरङले शुभकामना आदन प्रदान कार्यक्रम समापन गरेको छ ।
आइतबार विराटनगरमा सम्पन्न उक्त कार्यक्रममा मोरङ बाट ३०० बढी महिलाहरुको सहभागिता रहेको थियो । कार्यक्रममा गाँउ घरमा उत्पादन गरीने परम्परालाई जगेर्ना गर्दै दुना टपरी गाँस्ने, धुप बात्ती बनाउने र नाचको प्रतियोगिता गरीएको थियो ।
कार्यक्रममा सबै भन्दा पहिले धुप बनाउने प्रतियोगिता भएको थियो जस्को समय अवधी १० मिनेट रहेको थियो । साथै दोस्रो प्रतियोगिता जुन दुना टपरी गास्ने थियो, त्यसको समय अवधी १५ मिनेट थियो र अन्तयमा नृत्य प्रतियोगिता रहेको थियो, जस्को मुल्यांकन उत्कृष्ट नर्तक रोजेर भएको थियो । कार्यक्रममा सबै भन्दा पहिले धुप बनाउने प्रतियोगिता भएको थियो जस्को समय अवधी दश मिनेट रहेको थियो ।
चौविस जना धुप बनाउन सहभागी भएका मध्ये दिपिका ठकुरी, उर्मिला तामाङ, नितु भट्टराई क्रमसः पहिलो, दोस्रो र तेस्रो भएका थिए । त्यसैगरी दोस्रो प्रतियोगिता दुना टपरी गास्ने थियो, त्यसको समय अवधी १५ मिनेट थियो दुना टपरी गास्ने प्रतियोगितामा सुनिता निरौला पहिलो , उमा निरौला दोस्रो र सिता अधिकारी तेस्रो भइन् । र नृत्य प्रतियोगितामा पहिलो संगिता यादव, दोस्रो निता श्रेष्ठ र तेस्रो उमा निरौला भइन् ।
समितीले तिजमा सिप भन्ने नाराका साथ विगत देखिनै विभिन्न सिपमुलक तालिम पनि दिदै आएको छ । यस भन्दा अगाडि खेर गइरहेको मकैको खोष्टालाई सदुपयोग गरी व्याच र फुल बनाउने तालिम सम्पन्न भइसकेको छ । साथै फेब्रिकको माला बनाउने त्यसैगरी धुप बनाउने, जस्ले महिलाहरूलाई आत्मनिर्भर बनाउनमा सहयोग भुमिका खेल्छ यस्ता खालका विभिन्न तालिम समितीले दिदै आएको छ ।
यस प्रकारका तालिमले महिला उद्यमशीलता र आत्मनिर्भरता प्रोत्साहन गर्ने दिशामा महत्त्वपूर्ण कदम चालेको महिला उद्यमीहरुको भनाई छ । महिला उद्यमीहरुको प्रयासले तिजको पर्वलाई खुशीमय बनाउनुको साथैे समाजमा सकारात्मक सन्देश फैलाउने कार्य पनि गरेको र यस्तै तालिमको माध्यमबाट महिलाहरूलाई नयाँ–नयाँ सीप सिकाउने र तिनको आर्थिक स्थिति सुधार्ने लक्ष्य राखिएको महिला उद्यम समिति मोरङकी अभ्यक्ष अमृता भण्डारीले बताइन् ।
यो विशेष कार्यक्रमको आयोजनाले महिलाहरुलाई सिर्जनशीलता र आत्मनिर्भरता तर्फ प्रोत्साहित गर्ने काम गरिरहेको र समुदायमा नयाँ आशा र प्रेरणा पनि जन्माएको नेपाल घरेलु तथा साना उद्योग महासंघ मोरङका बरीष्ठ उपाध्यक्ष विजय कुमार रायले बताए ।
तिजको महत्त्व र महिला उद्यमीहरूको योगदानलाई विशेष रूपमा जोड दिँदै तिजको खुशीयाली सबैको जीवनमा समृद्धि ल्याओस् भन्ने शुभकामना नरमाया हस्तकला उद्योगकी संञ्चालक नरमाया दंगालले व्यक्त गरिन् । यस्तै महिलाहरुले जे पनि गर्न सक्छन् भन्ने उदाहरणका साथ सहभागि ऐश्रेर्याले सनाई बाजा बजाएर कार्यक्रमको माहोल अझ रोचक बनाएकी थिइन् । उनको त्यो प्रस्तुती देखेर कार्यक्रमका सहभागीहरुमा उत्साह थपिएको थियो ।
कार्यक्रममा विभिन्न महिला उद्यमीहरू, स्थानीय जनप्रतिनिधि र साना उद्योगका प्रतिनिधिहरूको उपस्थिति थियो । सहभागीहरूले एकअर्कासँग तिजको पर्वको शुभकामना आदान प्रदान गरे र नेपाली सांस्कृतिक परम्पराको महत्वलाई सम्मान गर्नुपर्ने कुरामा जोड दिए । नेपाल घरेलु तथा साना उद्योग महासंघ महिला उद्यम समिति मोरङले यस कार्यक्रमको आयोजनामा सहभागिता जनाउँदै आगामी दिनहरूमा पनि महिला उद्यमीहरूको उत्साहवर्धन गर्न निरन्तर प्रयास गर्ने जनाउँदै कार्यक्रमको समापन गरेको थियो ।
