काठमाडौं, नेपाल प्रहरीका ५ प्रहरी उपरीक्षक (एसपी) लाई प्रहरी वरिष्ठ उपरीक्षक (एसएसपी) मा बढुवा गर्नका लागि सिफारिस गरिएको छ। शुक्रबार बसेको बढुवा समितिको बैठकले जनपथ प्रहरी समूहका ५ जना एसपीलाई एसएसपीमा बढुवाका लागि सिफारिस गरेको हो।
बढुवा सिफारिस भएको सूचीको पहिलो नम्बरमा बसन्त रजौरे रहेका छन्। त्यसैगरी रविकुमार पौडेल, ननिनराज राई, बीरबहादुर ओली र चन्द्रदेब राई पनि बढुवा सिफारिस गरिएको प्रहरी अतिरिक्त महानिरीक्षक एवम् बढुवा समितिका सदस्य सचिव टेकप्रसाद राईले जानकारी दिए।
