काठमाडौं, जाजरकोट केन्द्रबिन्दु भएर गएराति गएको ६.४ रेक्टरको भूकम्पमा परी जाजरकोट र रुकुम पश्चिममा हालसम्म १२९ जनाको मृत्यु भएको छ। प्रहरीका अनुसार जाजरकोटमा ९२ र रुकुम पश्चिममा ३७ गरी १२९ जनाको मृत्यु भएको हो।
यस्तै जाजरकोटमा ५५ र रुकुम पश्चिममा ८५ गरी १४० जना घाइते भएका छन्। प्रहरीको अनुसार विशेषगरी ११, १२, १३ र १४ नम्बर वडा प्रभावित बनेका छन्। रुकुम पश्चिम र जाजरकोटमा भौतिक संरचनामा समेत ठूलो क्षति पुगेको छ।
गएराति ११ बजेर ४७ मिनेटमा ६.४ रेक्टरको भूकम्प गएको राष्ट्रिय भूकम्प मापन केन्द्रले जनाएको छ।
