जेष्ठ ४,२०७९ / १० : २७ अपरान्ह / 2022-05-18 10:27 pm

        डेढ करोड सहित हुण्डी कारोबारी पक्राउ

        - एक हप्ता अगाडि
        फागुन २४,२०७८

        नेपाल प्रहरीले एक करोड ५० लाख नगदसहित दुई जना हुण्डी कारोबारीलाई पक्राउ गरेको छ। 

        महानगरिय अपराध महाशाखाबाट खटिएको प्रहरी टोलीले काठमाडौँ महानगरपालिका–१३ ताहाचलबाट हुण्डी कारोबारमा संलग्न काठमाडौँ महानगरपालिका–१९ टङ्केश्वरका २४ वर्षीय बिक्की खड्गी र भारत पश्चिम बङ्गालका ३२ वर्षीय अमितकुमार अग्रवाललाई आइतबार पक्राउ गरि साेमबार सार्वजनिक गरेको हो ।

        ताहचलमा डेरा गरि बस्ने अग्रवालले काठमाडौँको मख्खनमा बिमला इन्टरनेशनल प्रालि सञ्चालन गरि नक्कली गरगहनाको होलसेल कारोबार गरि बस्ने अग्रवाललगायत व्यक्तिले राजस्व छली गैरकानुनी रूपमा हुण्डीमार्फत वित्तीय कारोबार गर्दै आइरहेको सूचनाका आधारमा उनीहरूलाई पक्राउ गरिएको प्रहरीले जनाएको छ । 

        पक्राउ खड्गीले कालीमाटीस्थित जीवनदृष्टि बहुउद्देश्यीय सहकारी संस्थाबाट ५० लाख ल्याएर अग्रवाललाई दिएपछि अग्रवालको कोठा तलासी गर्दा एक करोड ५० लाख फेला परेको प्रहरीको भनाइ छ।

        प्रहरीले पक्राउ अग्रवाल र खड्गीसँग विभिन्न बैंकका चेक, भौचर प्याड, कारोबारसम्बन्धी विभिन्न कागजात, दुई थान ल्यापटप र दुई थान मोबाइल बरामद गरेको छ। पक्राउ दुवै जनालाई थप अनुसन्धान तथा कारबाहीका लागि राजश्व अनुसन्धान विभाग हरिहरभवन ललितपुर पठाइएको प्रहरीले जनाएको छ।

          सम्बन्धित समाचारहरु