काठमाडौं, कोरोनाबाट ललितपुर र धरानमा थप २ महिलाको मृत्यु भएको छ । ललितपुरस्थित पाटन अस्पतालमा कोरोना संक्रमित ६१ वर्षीया महिलाको मृत्यु भएको हो । उक्त अस्पतालमा उपचार गराइरहेकी ती महिलाको बुधबार विहान मृत्यु भएको जिल्ला स्वास्थ्य कार्यालय ललितपुरले जनाएको छ ।
मृतक महिला भक्तपुर सुर्यविनायक निवासी भएको कार्यालयले एक विज्ञप्ति सार्वजनिक गरेरै जानकारी दिएको छ । यस्तै धरानस्थित विपि कोइराला स्वास्थ्य विज्ञान प्रतिष्ठानमा ६७ वर्षीय महिलाको कोरोना संक्रमणका कारण मृत्यु भएको छ । मोरङको बूढीगंगा –२ की मृतक महिलाकोे उपचारका क्रममा मृत्यु भएको हो ।
मंगलबार बिहान २ बजे अस्पताल भर्ना भएकी उनको साँझ पौने पाँच बजे मृत्यु भएको प्रतिष्ठानका प्रवक्ता निदेश सापकोटाले बताएका छन् । उनका अनुसार मृतकको मुटुको रोगको उपचार हुँदै आएको थियो ।
