भियतनामः बाढीपहिरोमा ९० जनाको मृत्यु

काठमाडौं, दक्षिण–मध्य भियतनाममा लगातार परेको भारी वर्षापछि आएको बाढी र पहिरोले एक हप्तामै कम्तीमा ९० जनाको ज्यान गएको छ । साथै १२ जना अझै बेपत्ता छन्, भने १ लाख ८६ हजारभन्दा बढी घर क्षतिग्रस्त भएका छन् । पर्यटकीय सहर न्हा ट्राङ डुबानमा परेको छ भने दा लाट वरिपरि घातक पहिरो गएको छ । मात्र डक लाक प्रान्तमै ६० भन्दा बढी मृत्यु दर्ता भएको छ, जहाँ दशौँ हजार घरहरू पानीले थिचिएका छन् । बढ्दो वर्षाले ५ प्रान्तमा ८० हजार हेक्टर चामल तथा बाली नष्ट गरेको छ र करिब ३२ लाख गाई–वस्तु तथा कुखुरा बगेर वा मरेर नष्ट भएका छन्, जसले आर्थिक क्षति करोडौँ डलर बराबर पु¥याएको छ । सरकारले हेलिकप्टर मार्फत राहत सामग्री वितरण गर्दै हजारौँ कर्मचारीलाई प्रभावित क्षेत्रमा खटाएको छ । वैज्ञानिकहरूका अनुसार मानव–सिर्जित जलवायु परिवर्तनले भियतनामजस्ता देशमा चरम मौसमजन्य घटना झन् बारम्बार र विनाशकारी बनाइरएको हो ।