काठमाडौं, भारत सरकारको गृह मन्त्रालयले देशका सबै राज्य र केन्द्र शासित प्रदेशलाई भोलि ’मक’ अभ्यास गर्न निर्देशन दिएको छ । कश्मीरको पहलगाममा अप्रिल २२ मा भएको आक्रमणमा २६ जनाको मृत्यु भएपछि भारत र पाकिस्तानबीच निरन्तर बढ्दै गएको तनावका बीचमा यस कदमलाई धेरै महत्त्वपूर्ण मानिएको । बीबीसी हिन्दीले उल्लेख गरेको छ ।
यसमा सरकारले देशभरका २४४ सूचीकृत सिभिल डिफेन्स जिल्लामा सिभिल डिफेन्स अभ्यास र रिहर्सल गर्न निर्देशन दिएको छ । यो निर्देशनअनुसार, अभ्यास ड्रिलमा जिल्ला नियन्त्रक, जिल्लाका विभिन्न अधिकारी, सिभिल डिफेन्सका स्वयंसेवक, होम गार्ड, एनसीसी, राष्ट्रिय सेवा योजनाका स्वयंसेवक, नेहरू युवा केन्द्र संगठन र स्कुल–कलेजका विद्यार्थीहरूको सहभागिता हुने अपेक्षा गरिएको छ ।
