भारतको राजधानी नयाँ दिल्लीका विभिन्न शपिङ मलमा बम विस्फोटको धम्की प्राप्त भएपछि सुरक्षा सतर्कता उच्च पारिएको छ । दिल्ली प्रहरीले जानकारी दिएको अनुसार चाणक्य मल, सेलेक्ट सिटीवाक, एम्बियन्स मल, डीएलएफ, सिने पोलिस, प्यासिफिक मल, प्राइमस अस्पताल र युनिटी समूहलाई बम विस्फोट हुने सम्भावनाको चेतावनी पत्र प्राप्त भएको थियो ।
सूचना प्राप्त भएपनि मलका अधिकारीहरूले तुरुन्तै दिल्ली प्रहरीलाई सूचित गरेपछि सुरक्षा व्यवस्था कडा पारिएको छ । विभिन्न मलमा बम डिस्पोजल टोली र दमकलको उपस्थिती गराइएको छ, तर अहिलेसम्म कुनै बम फेला नपरेको दिल्ली प्रहरीले जनाएको छ ।
धम्की पत्र र प्रहरीलाई प्राप्त जानकारीका आधारमा अनुसन्धान सुरु गरिएको छ । यसअघि, गुरुग्रामको एम्बियन्स मलमा अगस्ट १७ मा पनि बम धम्कीको जानकारी आएको थियो, तर खोजी गर्दा कुनै संदिग्ध वस्तु भेटिएको थिएन ।
प्रहरीले सामाजिक सञ्जालमा कुनै भ्रामक बम धम्की वा गलत जानकारी फैलाइएको पाइएमा कानुनी कारबाही गर्ने चेतावनी दिएको छ ।
