काठमाडौं, निजी स्वास्थ्य संस्थामा कार्यरत नर्सहरुलाई सरकारले तोकेको न्यूनतम पारिश्रमिक र सेवा सुविधा लागू गर्न माग गर्दै देशभरका नर्सहरू यतिबेला आन्दोलनमा छन् ।
नेपाल नर्सिङ संघको आव्हानमा नर्सहरूले धर्नासमेत बसेर प्रदर्शन गरिरहेका छन् । शुक्रबार उक्त आन्दोलनको समर्थनमा सिभिल हस्पिटलमा कार्यरत नर्सहरूले प्ले कार्ड प्रदर्शन गरी शान्तिपूर्ण धर्ना बसेका छन् ।
