काठमान्डौ, सभ्यता इन्टरटेन्टमेन्टको प्रस्तुतिमा सदाबहार गायिका ज्ञानु राना शब्द संगीत र स्वरमा रहेको रेशमी रुमाल नामक गीत आज यूटुब मार्फत सार्वजनिक गरिएको छ ।
मयाको चिनोको रुपमा दिएको रुमाललाई जतन गरेर मायालुले राखेको विषयवस्तुलाई मुख्य रुपमा चित्रण गरिएको गीतमा सभ्यता गिरी र सन्तोष हिमागंले अभिनय गरेका छन् ।
नेपाल भित्रकै सुन्दर ठाउँहरु इलाम लगाएतका क्षेत्रमा छायाकंन गरिएको गीतको भिडियो निकै नै उत्कृष्ट रहेको छ ।
गायिका, निर्देशक र नायिका एकसाथ
मोडल तथा नायीका सभ्यता गिरिलाई थप उचाइमा पुर्याउन यो गीतले प्रत्यक्ष भूमिका खेल्न सक्ने प्रष्ट देखिन्छ भने यस भिडियोका निर्देशक राजेश श्रेष्ठको उत्कृष्ट कौशलता यो भिडियोमा देखाइएको छ । निर्देशक राजेशले नृत्यले भरिएको गीतमा पनि एउटा सुन्दर कथा भरिदिएका छन् ।
