काठमाडौ, गायक यश कुमारको म्युजिकल फिल्म सुस्तरी सुस्तरी डिजिटल मंगलबार बजारमा सार्वजनिक भएको छ ।
म्युजिक भिडियोमा नगर प्रहरी र सडकमा मकै बेच्दै गरेकी युवतीबीचको सुन्दर प्रेम कथा रहेको छ ।
नगर प्रहरीको भूमिकामा गायक तथा अभिनेता यश कुमार आफैँ छन् भने सडक व्यापारीको भूमिकामा अभिनेत्री अनु थापा छिन् । गायनमा यशलाई अनु चौधरीले साथ दिएकी छिन् ।
नगर प्रहरी र सडक व्यापारीबीचको द्वन्द्वबाट सुरु हुने कथा प्रेममा परिणत हुँदै सडकमा व्यापार गर्नुहुँदैन भन्ने सन्देश दिएर टुंगिन्छ ।
यश कुमारकै कथा रहेको म्युजिकल फिल्ममा राजेश घटानी, पञ्ची तामाङ र अनिता लामाले पनि अभिनयमा साथ दिएका छन् । म्युजिकल फिल्मको निर्देशन निकेश खड्काले गरेका हुन् । गीतको शब्द र संगीत पनि यशको आफ्नै हो ।